despacho

1. s m

   Acción de despachar.

   Ex: Rematou o despacho dos asuntos pendentes antes das vacacións.

   Confrontacións: conclusión, remate, resolución, conclusión.
2. s m

   1. Cuarto dunha casa dedicado a actividades de carácter profesional, ao estudo ou á lectura.

      Confrontacións: estudio.

   2. Lugar dunha oficina ou empresa que ocupa un xefe ou empregado para desenvolver o seu traballo.

      Ex: Eses avogados comparten despacho.

   3. Conxunto de mobles que conforman un lugar de traballo.

3. s m

   Lugar no que se vende ou se despacha algo.

   Ex: Pecharon o despacho das entradas dez minutos antes da súa hora. No centro comercial abriron un despacho de produtos medicinais.

4. s m

   Comunicación transmitida por teléfono, telefax ou telégrafo.

   Ex: Onte mandeille o despacho dende o telefax.

5. s m [DER]

   1. Comunicación escrita oficial entre o goberno dun Estado e os seus representantes diplomáticos no estranxeiro.

      Ex: O xefe do goberno enviou un despacho á embaixada de España en Francia.

   2. Comunicación escrita empregada polos tribunais e xulgados para comunicarse entre si ou para dirixirse a outros organismos.

   3. Calquera comunicación escrita librada polos tribunais e xulgados. Poden ser exhortos, mandamentos, oficios e exposicións.

6. despacho de aduanas [DER]

   Conxunto de trámites burocráticos seguidos pola administración aduaneira para dar curso ás importacións ou ás exportacións de mercadorías e para materializar o dereito á percepción de dereitos arancelarios.

7. despacho de buques [DER]

   Cumprimento dos trámites administrativos que se deben facer ante unha autoridade aduaneira, sanitaria e de mariña cada vez que un buque entra nun porto ou sae ao mar.

8. despacho real [POLÍT]

   Patente ou cédula pola que o rei ordenaba unha cousa con certa urxencia.

9. despacho universal [POLÍT]

   Conxunto de asuntos correspondentes ao ministerio de Estado.

Frases feitas

• Correr os despachos. Darlles curso sen retardalos.

• Ter bo despacho. Ser moi hábil e expedito para desempeñar os asuntos que lle encargan.

• Ter moito despacho. Vender moito un comerciante, ter moitos clientes.