Donas

Apelido plural correspondente ao antropónimo Dona. Ten a súa orixe nos antropónimos correspondentes que recibiron o seu nome debido á existencia no lugar dun mosteiro de monxas, aínda que nalgún caso pode ser un alcume como o demostran as documentacións medievais: “Petrus Iohannis ditus das Donas” (doc ano 1224 en P. Loscertales, Tumbos del monasterio de Sobrado de los Monjes, vol I, 1976, p 476), “Rodrigo Rodrigues de Donas” (doc ano 1445 en X. Ferro Couselo, A vida e a fala dos devanceiros. Escolma de documentos en galego dos séculos XIII ao XVI, vol II, 1967, p 42).

Liñaxe que trae como armas, en campo de azul, dúas mans de ouro, cos dedos estendidos, moventes unha do flanco destro e outra do sinistro, posta esta sobre a anterior. Pode presentar a variante Danas.