East of Eden

Produción cinematográfica estadounidense realizada en 1955. Foi dirixida por Elia Kazan e interpretada por Julie Harris, James Dean, Raymond Massey e Burl Ives. É un drama familiar baseado na obra homónima de John Steinbeck, no que se reproduce o esquema clásico do fillo bo e o fillo malo que en realidade non son o que aparentan. O principal mérito desta película está nos seus aspectos creativos, xa que foi unha das primeiras producións que utilizou a pantalla en scope, cunha lóxica formal realmente nova.