Egmont ou Egmond

Familia da nobreza neerlandesa que recibiu en 1424 o condado de xurisdición feudal concedido sobre a vila homónima na persoa de Xoán II de Egmont , chamado o das Campaíñas, señor de Egmont e de Ijsselstein e conde do Sacro Imperio. Xoán III de Egmont (?-1516), terceiro conde de Egmont, foi stadhouder de Holanda, de Zelanda e de Frisia, e avó de Lamoral I de Egmont. O fillo deste, Lamoral II de Egmont (?-1617), oitavo conde, vendeu o condado de Egmont aos Estados Xerais (1607). A liñaxe extinguiuse en 1714.