ENAGAS [Empresa Nacional del Gas]

Empresa constituída en 1972 como subministradora de gas natural para o sistema enerxético español. En 1981 integrouse no Instituto Nacional de Hidrocarburos, que á súa vez lle vendeu a Gas Natural SDG o 91% das súas accións en xuño de 1994. Conta con tres plantas de regasificación de gas natural licuado en Barcelona, Huelva e Cartagena, que alimentan a rede básica de gasodutos co gas natural que chega a través de buques metaneiros. É titular de contratos de compra a longo prazo con Alxeria e Libia, e iniciou a construción do gasoduto Magreb-Europa. O seu domicilio social está en Madrid.