encarga

1. s f

   Acción de encargar ou encargarse.

   Ex: Fíxolle a encarga á filla.

   Sinónimos: encargo.
2. s f

   Cousa que se lle encarga a alguén. Na tradición oral recóllese o seguinte dito: “Encargas sen diñeiro chegan ao primeiro regueiro”.

   Ex: O meu home é estupendo sempre se lembra das miñas encargas.

   Sinónimos: encargo, encomenda.
3. s

   Aplícase á persoa ou á cousa que ten algo como misión.

   Ex: O encargado da fábrica chamou a atención a varios traballadores.

4. encargado de negocios

   Persoa que ten ao seu cargo un negocio en representación do dono.

5. Axente diplomático inferior ao embaixador, ao ministro plenipotenciario e ao ministro residente.

Frases feitas

• De encarga. loc adv Expresión para se referir ás cousas que non se compran feitas, senón que se mandan facer como se quere. Ex: Fixo un traxe de encarga.

• Ser máis + adxectivo + que feito de encarga. Expresión coa que se intensifica a calidade expresada polo adxectivo. Ex: Este rapaz é máis aburrido que feito de encarga.

Refráns

• Encargos sen diñeiro chegan ao primeiro regueiro.
• Encomenda sen renda, será parvo o que a atenda.
• Memorias sen diñeiro molestan ao recadeiro, ao paxareiro e ao viaxeiro.