Erodium

Xénero de herbáceas, da familia das xeraniáceas, de follas máis longas ca anchas, pinnadas, e con flores de 5 estames con anteras e 5 estames estériles sen antera. Os froitos son mericarpos que comezan a separarse do eixe pola parte superior e revíranse en hélice. En Galicia están presentes, en lugares secos e areosos, en beiras de camiños ou terreos cultivados, as especies: E. botrys, E. cicutarium, E. malacoides, E. maritimum, E. moschatum, en todo o país; e E. carvifolium e E. petraeum, limitados á montaña oriental galega.