escolopácido -da

Relativo ou pertencente aos escolopácidos.

Ave da familia dos escolopácidos.

Familia de aves limícolas, da orde dos caradriformes, de pescozo e patas moi longas, ás normalmente rematadas en punta, e peteiro fino e longo. Presentan distintas plumaxes na época de reprodución e nos primeiros meses de vida. Algunhas especies pasan o inverno ao S da área xeográfica de cría, onde se poden concentrar en grandes bandos. Adoitan aniñar no chan. Os representantes desta familia reciben as denominacións populares de: arceas, becacinas, biluricos, combatentes, falaropos, mazaricos e pilros.