espárido -da

Relativo ou pertencente aos espáridos.

Peixe da familia dos espáridos.

Familia de peixes, da orde dos perciformes, constituída por moitas especies, co corpo alto e comprimido, con escamas ctenoides e costado xeralmente prateado. Habitan normalmente na zona litoral, son moi bos nadadores e localízanse preto do fondo en todos os mares temperados e cálidos. Existen especies herbívoras, carnívoras e omnívoras. Teñen unha grande importancia comercial. A familia dos espáridos engloba as bogas, as brecas, os cachuchos, as chaparelas, as chepas, os dentóns, as douradas, os ollomoles, os panchos, os pargos, as sabogas e os sargos.