feitizo

Acción e efecto de enfeitizar.

Práctica, fórmula ou dito co que se quere conseguir algo empregando medios sobrenaturais ou máxicos. Tradicionalmente, este ritual realizábao un feiticeiro que simulaba establecer un pacto co demo. A finalidade que se perseguía podía ser boa ou mala; desde sandar a alguén dunha doenza grave ou conseguir o amor da persoa desexada, ata producir un dano, tanto material como espiritual. O mal só podía cesar por decisión da persoa que o provocara ou mediante o emprego de armas defensivas como os ouriños ou a saliva, medios tamén empregados contra o mal de ollo.

Atractivo exercido por unha persoa ou cousa.