¹ franco

Unidade monetaria de diferentes países.

Unidade monetaria principal de Burundi. Divídese en 100 céntimos.

Unidade monetaria creada no ano 1945 para as colonias francesas de África. É a unidade monetaria principal de Benin, Burkina Faso, Camerún, República Centroafricana, Congo, Costa de Marfil, Gabón, Guinea Ecuatorial, Mali, Níxer, Senegal, Togo e Chad.

Unidade monetaria creada no ano 1945 para as colonias francesas da Polinesia.

Unidade monetaria principal de Comores. Divídese en 100 céntimos.

Unidade monetaria principal de Madagascar. Divídese en 100 céntimos.

Unidade monetaria principal de Rwanda. Divídese en 100 céntimos.

Unidade monetaria principal de Suíza desde 1850. Divídese en 100 rappen. É tamén a unidade monetaria en Lietchtenstein.

Unidade monetaria principal de Xibutí desde 1949. Divídese en 100 céntimos.

Unidade monetaria principal de Francia establecida formalmente en 1795 pola Convención Nacional, cunha equivalencia de 5 g de prata. No s XIX o sistema monetario francés foi adoptado pola maioría de estados europeos e, en 1865, nos intercambios exteriores dos membros da Unión Monetaria Latina. A Primeira Guerra Mundial significou a perda do predominio do franco en Europa e o abandono do patrón ouro situouno nun período de fortes flutuacións. En 1958 creouse unha nova moeda, o nouveau franc, equivalente a 100 francos vellos e a 0,18 g de ouro fino, á que se lle deu a denominación de franc (F ou FF), unidade dividida en 100 céntimos e emitida, como a anterior, polo Banque de France. Empregouse tamén como moeda de curso legal en Mónaco e Andorra. Foi substituído definitivamente polo euro o 28 de febreiro de 2002 e o seu cambio oficial co euro fixouse en 6,5595.

Moeda francesa de ouro, cun peso ao redor de 4 g e o valor dunha libra tornesa. Cuñouse por primeira vez en 1360 no reinado de Xoán II o Bo e denominouse franc à cheval. En 1365 Carlos V o Sabio acuñou tamén outro co nome de franc à pied. En 1423 Carlos VII emitiu novamente o franc à cheval, do mesmo valor e peso rebaixado a case 3 g de ouro fino.

Moeda francesa de prata creada por Enrique III en 1575, cun peso de 12 a 14 g e o valor dunha libra tornesa. No 1586 prohibiuse a súa cuñaxe, non obstante a emisión do medio franco e o cuarto de franco mantívose ata fin do reinado de Luís XIII (1610-1643).

alor monetario establecido a finais do s XVIII equivalente a unha libra tornesa, a diminución do valor desta unidade de conta orixinou o franco francés.

Unidade monetaria principal de Bélxica desde 1832 dividida en 100 céntimos. Foi substituído definitivamente polo euro o 28 de febreiro do 2002 e o seu cambio oficial co euro fixouse en 40,3399.

Unidade monetaria principal de Luxemburgo dividida en 100 céntimos. Foi substituído definitivamente polo euro o 28 de febreiro do 2002 e o seu cambio oficial co euro fixouse en 40,3399.