gondi

Relativo ou pertencente ao pobo gondi ou á súa lingua.

Individuo do pobo gondi.

Pobo da India que habita no N do Deccan, entre os estados de Andhra Pradēsh, Mahārāṣhṭra e Madhya Pradēsh. No s XVIII constituíron un pequeno e poderoso reino en Madhya Pradēsh, pero foron derrotados e víronse forzados a retirarse cara ás rexións abruptas e selváticas. Organízanse en tribos que forman pequenas aldeas e dedícanse á caza e á recolección. O seu aspecto físico é similar ao dos primitivos vedas de Ceilán.

Lingua do phylum drávido que fala o pobo gondi.