heroe, heroína

Ser semidivino ao que se lle atribúen xestas prodixiosas a favor do grupo que o recoñece como tal. A súa figura sobresae na mitoloxía de diversos pobos primitivos e, aínda que concibida antropomorficamente, recoñécenselle poderes sobrenaturais. Na Grecia dos ss VIII e VII a C afirmouse o culto aos heroes, que se converteu en rito de súplica para obter a súa protección.

Persoa que se distingue pola súa coraxe, valor e fortaleza no sufrimento nunha situación determinada.

Personaxe principal dunha narración fantástica ou dunha obra literaria ou cinematográfica.