lectura

1. s f

   Acción de ler.

2. s f

   Obra destinada a ser lida ou que se le.

   Ex: Estas son as mellores lecturas para unha nena da súa idade.

3. s f

   Interpretación do sentido ou significado dun texto, filme, cadro ou de calquera outra obra.

   Ex: Estou en desacordo coa lectura que a crítica fai do filme.

4. s f

   Tema que se desenvolve oralmente nunha oposición.

5. [INFORM]
   1. s f

      Interpretación da información rexistrada nun soporte de almacenamento mediante un lector axeitado.

   2. s f

      Lectura de caracteres representables graficamente.

   3. lectura de marcas

      Recoñecemento automático de datos en forma de marcas feitas á man sobre un papel ou tarxeta.

   4. lectura magnética de caracteres

      Lectura de caracteres impresos cunha tinta especial (tinta magnética), chamados caracteres magnéticos.

   5. lectura óptica de caracteres

      Lectura de caracteres, impresos ou non, de tipo corrente. Xeralmente rexístranse as formas posibles nun repertorio limitado de tipos especialmente concibidos, chamados caracteres ópticos.

6. [PEDAG]
   1. lectura labial

      Interpretación das palabras pronunciadas por unha persoa a través da observación do movemento dos seus labios, que se emprega sobre todo na educación dos xordomudos.

   2. lectura táctil

      Lectura, a través do tacto, da escritura para cegos.

Refráns

• Despois de comer, non te poñas a ler.
• Na cartilla que se le, sempre se aprende algo.