líquido -da

Relativo ou pertencente ao estado líquido ou a un líquido.

Que presenta as características dun líquido.

Estado da materia, intermedio entre o sólido e o gasoso, en que as moléculas teñen escasa cohesión e poden cambiar a súa posición respectiva (segundo o recipiente que o conteña), pero que ocupa un volume practicamente constante en función da temperatura ou a presión. Os líquidos e os gases denomínanse fluídos, e ambos os dous teñen unha gran mobilidade molecular. Nun líquido as moléculas son atraídas por igual en todas as direccións polas súas veciñas e, polo tanto, a forza resultante é nula excepto para as moléculas da superficie do volume líquido, nas que aparece a tensión superficial. O paso ao estado sólido é a solidificación (denomínase conxelación cando é debida a unha diminución de temperatura), e o paso inverso é a fusión. O paso ao estado gasoso denomínase vaporización e o inverso, condensación. Na superficie libre dos líquidos, as moléculas con enerxía suficiente para abandonar a masa líquida vaporízanse. Nun recipiente pechado, establécese un equilibrio entre a fase líquida e a gasosa. Se a maioría das moléculas dunha masa líquida teñen a enerxía necesaria para evaporarse, prodúcese a ebulición do líquido. Unha propiedade debida ás forzas de cohesión nos líquidos é a viscosidade. O estudo teórico dos líquidos constitúe a hidráulica, o dos líquidos en repouso a hidrostática e o dos líquidos en movemento a hidrodinámica.

Aplícase á cantidade ou ao prezo que resulta unha vez efectuadas as reducións que correspondan.

Calquera ben ou activo financeiro facilmente convertible en diñeiro efectivo.

Diñeiro en moedas ou billetes en efectivo.

Cantidade estimada ou fixada oficialmente sobre a que se aplica a tributación correspondente a cada contribuínte.