Luchador Ferroviario, El

Quincenario de tendencia anarcosindicalista, editado na imprenta de M. Villuendas de Betanzos, desde agosto de 1932 ata abril de 1933. Exerceu de voceiro dos ferroviarios da Compañía do Oeste, afiliados á CNT durante os 17 números coñecidos da publicación, que dirixiu o cadro do Sindicato de Profesiones Varias da CNT betanceira e o factor da Estación de Betanzos-Infesta, Miguel Navarro Mijón.