mandarineiro

Nome que reciben distintas especies de árbores do xénero Citrus, da familia das rutáceas, que presenta follas alternas, elípticas ou lanceoladas, de cor verde, flores hermafroditas aromáticas e de cor branca, illadas ou agrupadas en pequenos grupos, e froito de interese en alimentación, as mandarinas. Entre elas atópase C. reticulata (mandarineiro clementino) que dá lugar ás clementinas, C. unshiu (mandarineiro satsuma) que dá lugar á variedade satsuma e C. deliciosa que dá lugar á mandarina mediterránea. O mandarineiro é unha árbore orixinaria de China, que se cultiva, ademais de polos seus froitos, como planta ornamental.