Marcia, gens

Familia romana que tivo diversas ramas patricias e plebeas. Entre os seus membros destacaron Quinto Marcio Rex, pretor (144 a C) e construtor do acueduto que levaba a acqua Marcia a Roma; Caio Marcio Rutilio, cónsul en diversas ocasións, primeiro ditador da plebe (356 a C) e censor (351 a C); e Lucio Marcio Sétimo, xefe das forzas en Hispania trala derrota e morte dos Escipións (212 a C).