menstruación

Fenómeno fisiolóxico feminino que se presenta nas mulleres sas (e nas femias dalgúns primates) desde a puberdade ata a menopausa. Consiste nun fluxo hemático que procede da cavidade uterina, e que se reproduce periodicamente; pero que non ten lugar cando un óvulo fecundado se implanta no útero. A primeira menstruación ou menarquía prodúcese entre os 12-14 anos, e remata aos 45-50 anos coa menopausa. A perda, cada 28 días como norma, prodúcese 14 días despois da ovulación e pode vir acompañada de molestias máis ou menos agudas.

Menstruación con fluxo sanguíneo que, excepcionalmente, se produce nalgunhas mulleres por algún órgano diferente da vaxina, e que aparece en lugar da menstruación ordinaria.