Nazário de Lima, Ronaldo

(Rio de Janeiro 22.9.1977) Futbolista. Coñecido como Ronaldo, debutou con 17 anos na súa selección. Xogou no Cruzeiro, PSV Eindhoven, FC Barcelona, FC Internazionale e Real Madrid CF. Foi medalla de bronce nos Xogos Olímpicos de Atlanta 1996, gañou a Recopa de Europa (1996-1997), a Copa do Rei (1996-1997), a Copa UEFA (1997-1998), a Supercopa de Europa (2002), a Copa Intercontinental (2002), a Liga española (2002-2003) e dúas veces o campionato do mundo (1994 e 2002). Foi premiado co Balón de Ouro en 1997 e 2002.