negocio

1. s m

   Asunto do que se obtén proveito ou vantaxes.

   Ex: Coa venda do coche si que fixo un bo negocio.

2. s m

   Calquera asunto, ocupación ou traballo. Na tradición oral recóllense ditos como “Cada un no seu negocio sabe máis que outro. Cada un coida o seu negocio e Deus o de todos. Negocio en que perigas, nin á túa muller llo digas”.

   Ex: Está metido en tantos negocios que non ten tempo para nada.

3. s m

   Local destinado para uso comercial.

   Ex: Marchou moi cedo para o negocio.

   Sinónimos: comercio.
4. 1. s m [ECON]

      Operación de compravenda de bens mobles da que se obtén ganancia.

   2. s m [ECON]

      Actividade económica realizada con afán de lucro.

   3. home de negocios [ECON]

      Persoa que se dedica habitualmente a estas actividades lucrativas.

   4. negocio xurídico [DER]

      Acto de autonomía privada, con efectos xurídicos determinados polo dereito, polo que o outorgante ou outorgantes regulan os seus propios intereses.

Refráns

• A bo negocio, boa ganancia.
• A novo negocio, novo consello.
• Amistade, a que se queira, pero o centeo a trinta a fanega.
• Cada un trata do que mata.
• Dime os dous que estaban e direiche o que trataban.
• En mercar e vender non hai amigos.
• Fuxe de facer trato con quen non ten máis Deus có prato.
• Irse o gañado polo papado.
• Irse o xogado polo gañado.
• Merca por arrobas e vende, se podes, por onzas.
• Merca qué vendas, se queres gañar.
• Mercar a alforxas e vender a onzas.
• Mercar na feira e vender na casa sempre foi segura ganancia.
• Negocio en que perigas, nin á túa muller llo digas.
• O bo negociante non lle doen os pes.
• O que sempre vai por la sae ás veces trasquiado.
• Onde o gasto é máis có proveito, dade o trato por desfeito.
• Para que vexan que fago trato, o que vale cinco douno por catro.
• Se queres facer bo trato, vende caro o que merques barato.
• ¡Alá me leve Deus a morar ande un ovo valla dous!