Noticiero, El

Xornal publicado na Coruña a partir do 2 de xaneiro de 1841. Baixo o subtítulo “Periódico político y mercantil”, tivo como impresor e editor a Francisco Arza. De periodicidade diaria, excepto os domingos, incluíu información local, nacional e estranxeira, e rivalizou na política local con outros xornais da cidade, sobre todo co Boletín de noticias. Probablemente tivo unha segunda época en 1878.