País Gallego, El

Xornal publicado en Santiago de Compostela a partir do 3 de febreiro de 1888. Cesou o 11 de xuño de 1891. Subtitulado “Diario de intereses materiales” e “Diario de Santiago”, o seu fundador e director foi Enrique Labarta Pose. De carácter rexionalista moderado, foi defensor da política de U. Montero Ríos. Con motivo do 25 de xullo de 1888 publicou un suplemento de gran valor literario en que colaboraron os escritores máis destacados da época.