pandeireta

Instrumento musical de percusión que consiste nun aro de madeira, de 25 a 30 cm de diámetro, revestido nun dos lados con pel de ovella e que nos bordos leva colocados, nunhas rañuras, en grupos de dous, uns discos de latón, denominados ferreñas, nunha cantidade que oscila entre os 7 e os 14 pares. As fendas do aro e colocadas en dous planos paralelos á membrana, poden presentarse alternas ou ben situadas perpendicularmente. Tócase movéndoo cunha man e golpeándoo contra a outra.