pandeiro

1. s m [MÚS]

   Instrumento musical de percusión cuadrangular constituído por un bastidor de madeira, duns 35 cm de lado e 5 cm de ancho, revestido dunha pel de cabra, dobrada nun dos seus extremos e cosida nos outros tres, que se toca golpeándoo coas mans, os cotenos, etc. No interior sitúanse unhas pequenas cordas das que se penduran uns axóuxeres que lle dan maior sonoridade, e no exterior vai unha correa de coiro para poder penduralo do pescozo, ou ben dúas cintas para poder atalo no van.

2. s m

   Músico que toca este instrumento.

Frases feitas

• Alegre/Contento coma un pandeiro. Moi contento.

• Facer do seu (cu) un pandeiro. Facer un co seu o que lle dá a gana.

• Facer de alguén un pandeiro. Dominar totalmente a unha persoa.

• Poñer (o cu) coma un pandeiro. Darlle unha malleira a alguén.

Refráns

• Alfaia por alfaia, mellor quero pandeiro que saia.
• O pandeiro toca ben, as ferreñas fanlle o son.