paseo

1. s m

   1. Camiñada ou desprazamento que se fai por pracer e despreocupadamente

      Ex: Foi dando un paseo ata o campo de fútbol.

   2. [HIST]

      Acción de levar a alguén á forza, durante a Guerra Civil Española, para executalo sen un xuízo previo.

      Ex: Houbo moitos paseos entre os veciños do lugar. OBS: Adoita empregarse a expresión dar o paseo. Ex: Déronlle o paseo a cinco presos.

2. s m

   Lugar por onde se pasea, xeralmente unha rúa, avenida ou vía dunha certa amplitude con zonas arborizadas e especialmente habilitadas para os paseantes.

   Ex: O paseo da praia estaba atestado de xente.

3. s m

   Distancia curta que se pode percorrer a pé.

   Ex: Da escola á miña casa hai un paseo.

4. s m [MÚS]

   Cada unha das partes do baile tradicional galego que concatena os puntos, e que se realiza formando unha roda ou mediante uns pasos cara a adiante e atrás, ou cara aos lados, que serve de transición e descanso entre os puntos.

Refráns

• Despois de comer e de cear, uns paseíños dar.