peite

(< lat pectĭne)

s m
Utensilio formado por unha lámina oblonga, de diversos materiais sólidos, provista dunha ringleira de pugas, máis ou menos xuntas, que serve para desenlear e peitear o cabelo. Na tradición oral recóllense ditos como: “Díxolle o peite ao tiñoso: “Tírate alá, piolloso”.
Sinónimos: pente, pieite.
s m
1. Utensilio ou ferramente semellante, pola súa forma ou función, a un peite.
  Sinónimos: pente, pieite.
2. Ferramenta de folla dentada, que se emprega para alisar e limpar as impurezas das fibras téxtiles.
  Sinónimos: pente, pieite.
3. Instrumento, provisto de pugas, que se usa para cardar a la.
  Sinónimos: pente, pieite.
4. Armazón do tear, con fendas paralelas e perpendiculares, polas que se fan pasar os fíos da urda.
  Sinónimos: pente, pieite.
s m [BÉL]
Peza metálica que, nas armas de fogo, contén unha serie de proxectís.
Sinónimos: pente, pieite.
s m [ESPECT]
Enreixado con poleas, situado por enriba do tear dos escenarios, desde onde se manexan os decorados.
Sinónimos: pente, pieite.

Refráns