PEN Club International

Asociación internacional de escritores denominada Poets’, Essaysts’, Novelists’ Club. Fundada en 1921 en Londres pola escritora C. A. Dawson Scott, a súa principal finalidade é a de promover as relacións entre escritores de diversos países e a defensa das linguas do mundo e dos autores que as cultivan. Integrado por 141 centros repartidos en 99 países, agrupa máis de 15.000 escritores. Ao longo da súa traxectoria foi presidido por John Galsworthy, H. G. Wells, T. Mann, A. Miller, H. Böll, Vargas Llosa, Ronald Harwood e Jirí Grusa.