poldro -dra

1. s

   Cabalo ou egua novos, que aínda non mudaron os dentes.

2. s m

   1. Aparello á maneira dunha gaiola grande de madeira que serve para suxeitar e suspender pola parte dianteira os cabalos, os bois ou calquera outro animal que se vaia ferrar.

   2. Aparello constituído por dúas barras lonxitudinais que se xuntan nun extremo e que estan fixadas ao chan para suxeitar as vacas cando o touro as cobre.

3. s m [HIST]

   Cabalete de madeira no que se suxeitaba o reo para sometelo a certas torturas. As cordas que ataban os membros do torturado adoitaban estar fixadas a un torno que, ao virar, tensaba as ataduras e producía dislocacións e esgazamentos musculares.

4. s m [DEP]

   Aparato de ximnasia para facer saltos, que consiste nunha peza cuadrangular forrada de coiro ou doutro material, e sostida por catro patas, que se poden graduar a diferentes alturas.

Refráns

• Agora, que ten poldro, parece outro.
• Can, de can vello; e poldro, de cabalo novo.
• O poldro, primeiro de outro.
• Onde poldros nacen, eguas pacen.