posibilidade

1. s f

   Calidade de posible.

   Ex: Existe a posibilidade de que chova.

2. s f

   Cousa posible.

   Ex: Iso entra dentro das nosas posibilidades.

3. s f

   Capacidade de ser posible algo.

   Ex: Tivo a posibilidade de estudar na universidade.

   Sinónimos: ocasión, oportunidade.
4. s f [FILOS]

   Carácter, estado ou condición do que é posible. As acepcións fundamentais da categoría de posibilidade son, dunha banda, a posibilidade lóxica ou modalidade do xuízo, que significa a calidade de todo xuízo que non sexa contraditorio, en contraposición á necesidade lóxica; doutra banda, a posibilidade real ou física significa a capacidade ou aptitude dunha cousa para existir de feito e realmente. O sentido da distinción entre ambos tipos de posibilidade é patente non só no coñecido argumento ontolóxico, senón tamén na distinción leibniziana entre os posibles e os composibles. Intimamente unida ao concepto de potencia, a categoría de posibilidade foi obxecto, na escolástica, de diversas distincións, como a posibilidade absoluta ou intrínseca (secundum se), e a posibilidade relativa ou extrínseca (in ordine ad potentiam activam).

Refráns

• O que vai á festa, poden romperlle a testa.
• Quen tivo mans puido pillar mazáns.