potencia

Capacidade, facultade ou forza para facer algunha cousa ou producir un efecto.

Poder ou capacidade que unha cousa ten para producir un cambio noutra ou para actuar sobre ela.

Capacidade que un ser ten para pasar dun estado a outro, para cambiar e converterse en algo novo. Contraponse ao acto. Partindo deste concepto, en Aristóteles, tentouse identificar a potencia coa materia e o acto coa forma; así, a materia primeira foi tamén denominada potencia pura. A escolástica distinguiu dous tipos: a potencia lóxica, ou potencia obxectiva, e a potencia real, potencia propiamente dita ou potencia subxectiva.

Capacidade de efectuar o acto sexual.

Forza para impor a autoridade.

Capacidade global dun estado. En 1890 Alfred Thayer Mahan aplicou o concepto aos estados marítimos que cría destinados a imporse sobre os estados continentais (navalismo). A partir da Segunda Guerra Mundial, o termo utilizouse como sinónimo dos catro aliados, EE UU, a URSS, Reino Unido e Francia, aos que se engadiu China. Co tempo, este termo foi sinónimo de estado ou nación, en tanto que se considera en función do seu papel económico, político e militar respecto dos outros estados.

Nome da constante k nunha inversión.

Dados un punto P e unha circunferencia, produto das distancias do punto P aos dous puntos A e B que unha recta que pasa por P determina sobre a circunferencia. Verifícase que dito produto, PA·PB, é independente da recta trazada.

Dados un número a, denominado base, e un número natural n, denominado expoñente, produto a n de n factores iguais a a, é dicir, a n =a·a·a...(n factores)...a. Xeneralízase a noción de potencia ao caso en que o expoñente é un enteiro negativo, mediante a fórmula a -n = 1/a n , e no caso en que o expoñente é un número racional, mediante a fórmula a p/q = q√— a p . A xeneralización no caso de que o expoñente sexa un número real calquera, ten lugar mediante a función exponencial, e no caso de que o expoñente sexa un número complexo, mediante a fórmula de De Moivre. As propiedades máis importantes das potencias son:
a p ·a q = a p+q
a p /a q = a p-q
(a p ) q = a p·q
(ab) n = a n b n
(a/b) n = a n /b n
a 0 = 1

Carácter común de dous conxuntos entre cuxos elementos se pode establecer unha correspondencia bixectiva. Dous conxuntos da mesma potencia son equipotentes.

Esforzo que se aplica nunha máquina simple para vencer a resistencia.

poder calorífico.

poder calorífico.

Potencia dun motor ou dunha máquina de vapor medida cun freo dinamométrico ou cun torsiómetro, e que é a potencia dispoñible na árbore do motor ou da máquina de vapor. OBS: Tamén se denomina potencia no freo.

Cociente da división da potencia efectiva polo peso do motor, isto é, potencia efectiva por unidade de peso.

Potencia determinada por aplicación dunha fórmula convencional, diferente segundo os estados, en que aparecen, ligados por diferentes parámetros, os valores do diámetro do cilindro, da carreira do pistón e do número de cilindros do motor.

Potencia deducida teoricamente do diagrama do ciclo real do motor, cuxa área representa o traballo realizado polos gases dentro do cilindro durante un ciclo. É a potencia desenvolvida polo fluído no cilindro e constitúe a suma da potencia efectiva e mais a potencia absorbida polas resistencias pasivas. OBS: Tamén se denomina potencia nominal.

Potencia máxima que un motor pode desenvolver, durante un período de tempo relativamente breve, a causa dunha sobrealimentación momentánea.

Cociente entre a potencia activa e a potencia aparente, na corrente alterna. Se as correntes son sinusoidais, o factor de potencia é igual ao corpo ö, sendo ö o desfase entre a tensión e a corrente.

Potencia media producida nun circuíto ou nunha máquina, percorridos por unha corrente alterna. O réxime sinusoidal é igual ao produto da tensión pola corrente activa.

Produto, en corrente alterna, do valor eficaz da tensión polo da corrente. A unidade de medida é o voltampere.

Potencia producida ou absorbida por unha instalación, máquina, aparello, etc, eléctricos. Segundo o intervalo de tempo considerado, fálase de potencia instantánea ou de potencia media. A unidade de potencia no sistema internacional (SI) é o watt (W), pero frecuentemente se empregan os múltiplos (kW ou MW) ou os submúltiplos (mW, ou ìW).

Produto, en corrente alterna, da tensión por corrente reactiva. A unidade de medida é o var.