presa

1. s f

   Cantidade de cousas que collen no oco das mans dunha vez.

   Sinónimos: manela, manelo, presada.
2. s f [ENX/CONSTR]

   1. Obstáculo artificial, xeralmente de obra, construído a través dun curso de auga, para desviala ou detela co fin de facela chegar a un lugar determinado ou de regular o seu caudal, encorala ou crear un salto para aproveitar a enerxía. As presas de contención ou de regulación están construídas transversalmente á corrente dun río ou dunha canle, co fin de crear un determinado desnivel e así, facer navegable a zona de augas arriba, ou ben crear un salto aproveitable para a utilización da enerxía, ben directamente para mover máquinas, ben para producir enerxía eléctrica; para absorber unha parte da auga das cheas ou riadas, alimentar unha canle navegable ou de rego, garantir a chegada de auga a unha fábrica, a unha vila ou a outro lugar, independentemente das flutuacións de caudal da corrente e doutros aspectos. Estas presas adoitan ser móbiles, e están clasificadas, xeralmente, en presas de vigas, de agullas, de cilindros e de comportas, segundo sexa o elemento móbil que detén a auga. As presas de encoro adoitan estar construídas con obra de fábrica transversalmente nun val, cerrándoo, para acumular un determinado volume de auga destinado ao rego, ao consumo en grandes concentracións urbanas, á súa utilización como forza motriz ou como produtora de enerxía eléctrica ou outros usos, e como protección contra as riadas.

      Sinónimos: encalco, preseira, represa, vaira.

   2. olume de auga desviada ou detida por esta construción.

      Sinónimos: encalco, encoro, preseira.
3. s f

   Conduto ou canle polo que se desvía ou conduce auga dun lugar a outro.

4. s f

   Cousa ou conxunto de cousas que se collen á forza despois dunha loita.

5. s f

   Persoa ou animal que pode ser apreixado.

6. s f

   Unlla da ave de rapina.

7. presa marítima [DER]

   Nave de guerra ou neutral da que se apodera un dos belixerantes na guerra marítima.

Refráns

• A gran présa, gran vagar.
• A máis présa, máis vagar.
• Apresúrate despacio.
• Aquel que anda moi de présa, sempre adolta chegar tarde.
• Ben axiña se fai o que ben se faí.
• Bícame axiña, que teño présa.
• Canta máis présa, máis vagar.
• Canto máis tempo se gaña, máis tempo se perde.
• Corran as cousas canto quixeren, que xa pararán, se queren.
• De correr a parar non hai moito que andar.
• Gañando tempo pérdese tempo.
• Moitas veces a présa só é falta de vagar.
• Non por moito correr se chega máis axiña.
• O moito correr trae o pouco andar.
• O que moito corre, non vai para lonxe.
• Para comer e cagar, a ninguén se ha de apurar.
• Pouco a pouco vaise a lonxe; e, correndo, a mal lugar.
• Quen de golpe bota auga no pote, máis derrama que recolIe.
• Quen leva présa, no bo camiño tropeza.
• Quen moito corre, logo cae.
• Se tes présa, vaite con calma.
• TelIado feito de contado non tarda en ser retelIado.
• Vísteme despacio que teño presa.