Prix de Rome

Premio concedido anualmente polo goberno francés en forma de bolsa de estudos aos estudantes de belas artes. Foi creado por Luís XIV de Francia en 1666 e destinouse inicialmente aos estudantes da Académie Royale de Peinture et de Sculpture de París, para completar a súa formación durante un período aproximado de catro anos na Académie de France en Roma. Desde 1723 abríronse as bolsas para arquitectos e desde o s XIX para músicos e gravadores. A súa finalidade é a de perpetuar a tradición académica.