Programa 21

Estratexia global de acción que ten por finalidade desenvolver políticas e estratexias pertinentes para a transición cara ao modelo de desenvolvemento sostible tal como se estableceu na Conferencia das Nacións Unidas para o Medio Ambiente e o Desenvolvemento de Rio de Janeiro en 1992. Formula as medidas para a cooperación internacional, a consevación e xestión dos recursos para o desenvolvemento e o fortalecemento do papel dos grupos principais implicados, ademais de ofrecer directrices sobre os medios de execución, asignación de recursos financeiros, científicos ou tecnolóxicos. Estableceu catro seccións: as dimensións sociais e económicas (cooperación internacional para acelerar o desenvolvemento sostible dos países pobres), conservación e xestión dos recursos (biodiversidade, bosque e atmosfera), fortalecemento dos grupos principais (mulleres, nenos, indíxenas, agricultores, sindicatos, comunidade científica) e medios de execución (recursos de financiamento, xurídicos internacionais). Tamén se coñece como Axenda 21.