protección

Acción e efecto de protexer ou de protexerse.

Axuda ou amparo que recibe alguén.

Conxunto de medidas establecidas para salvagardar a actividade económica nacional.

Sistema que detecta e elimina calquera defecto ou anomalía que se pode producir nunha liña, máquina ou instalación eléctrica.

Operación que consiste na transformación dun grupo funcional noutro máis estable ao longo da secuencia sintética á que se somete unha molécula, e que se pode converter no grupo funcional orixinal, mediante unha desprotección. Normalmente, lévase a cabo unha protección mediante a introdución dun grupo protector, o que ten que cumprir as condicións de ser fácil de inserir mediante unha reacción de mecanismos coñecidos e que as condicións desta non alteren os outros grupos funcionais presentes, ser estable nas condicións ás que hai que someter o substrato ao longo da secuencia sintética e ser facilmente eliminable, sen alteración do resto da molécula. Os grupos protectores empréganse na síntese de estruturas complexas, como o son a maioría das dos produtos naturais, e constitúen un dos elementos de control que máis se empregan en síntese orgánica.

Pezas ou estruturas que, nalgúns deportes, serven para protexerse contra os golpes.

protección catódica.

Organización destinada á protección das persoas e dos bens en situacións de risco colectivo, calamidade pública ou catástrofe extraordinaria, cando a vida das persoas pode perigar ou, incluso, sucumbir masivamente. Constitúe un servizo público a cargo da administración civil do estado. Na súa organización, funcionamento e execución participan as restantes administracións e institucións específicas, caso da Cruz Vermella. As forzas e os corpos de seguridade, como tamén as forzas armadas, interveñen en accións precisas cando é necesario, e cóntase tamén coa colaboración dos cidadáns.

Sistema legal que garante a confidencialidade dos datos persoais que están en poder da Administración Pública ou doutras organizacións. Está regulada pola Lei Orgánica 15/1999, de 13 de decembro, de Protección de Datos de Carácter Persoal. A Agencia de Protección de Datos vela polo cumprimento da lexislación vixente e polo control da súa aplicación, en especial no relativo aos dereitos de información, acceso, rectificación, oposición e cancelación de datos.

Recubrimento dunha superficie metálica cunha substancia para protexela da oxidación, corrosión ou desgaste. A protección por recubrimento metálico adoita obterse por electrodeposición, metalización, galvanización ou cementación, mentres que a protección por recubrimento non metálico obtense por aplicación de pinturas, vernices ou esmaltes sobre a superficie que se quere protexer.

radioprotección.