psicosomático -ca

Relativo ou pertencente ao psiquismo e ao mesmo tempo ao corpo.

Aplícase ao método en virtude do que se atende ao enfermo referíndose á vez aos seus aspectos biolóxicos e psíquicos, tomados como intrinsecamente complementarios, tan só disociables analiticamente.

Relativo ou pertencente á medicina psicosomática.

Rama da patoloxía que estuda as afeccións somáticas derivadas de factores emocionais, sexan pretéritos ou presentes. A demarcación, dentro do campo dos fenómenos patolóxicos, dunha psicosomática específica, non deixa de ser bastante artificial, non só porque toda enfermidade inclúe etioloxicamente elementos psicolóxicos, senón tamén pola dificultade de determinar cales son as enfermidades xenuinamente psicosomáticas. Das enfermidades que teñen un notable compoñente psicosomático están a úlcera péptica, a asma e a xaqueca.