purgante

Que serve para purgar ou permite realizar unha purga.

Que limpa o intestino de substancias prexudiciais.

Medicamento que ten efecto purgante a causa do principio activo que contén. Clasifícanse en purgantes salinos, que actúan dificultando a absorción; purgantes con acción excitante da mobilidade do intestino delgado (aceites, resinas); purgantes con acción excitante sobre a mobilidade do intestino groso (derivados do antraceno, ácidos biliares); purgantes que actúan para lubricación da parede intestinal (o aceite de parafina); e purgantes antraquinónicos (áloe ou ameneiro).