rafia

(< voz malgaxe)

s f [PLANTA]
Árbore monoica orixinaria de Madagascar, co tronco groso e baixo, follas pinnadas, moi grandes de anverso verde escuro e reverso abrancazado e pruinoso, e froitos dispostos en drupa, escamudos e pardos.
s f [TÉXT]
1. Fibra extraída da epiderme das follas da rafia. É branda, sedosa e resistente, e pode tecerse. Úsase sobre todo na fabricación de cordeis, esteiras e obxectos de cestaría.
2. Fibra sintética obtida do polietileno, de aspecto semellante ao da rafia e á que substituíu especialmente nos moedeiros e nos bolsos.

Palabras veciñas