reticencia

Omisión dunha cousa que se podería dicir e non se di, ou non se di claramente.

Figura retórica que consiste en deixar incompleta unha frase para dar a entender máis do que parece que se quere silenciar.

Delito, equivalente ao falso testemuño, que consiste en testemuñar parcialmente ou con reserva sobre feitos fundamentais dun caso ou para evitar prexuízos.

Delito que consiste en omitir nun contrato cousas que determinarían condicións diferentes do mesmo contrato. No caso dun contrato de seguros, a reticencia do asegurado sobre o alcance e a natureza do risco comporta a súa anulación.