¹ rolo

1. s m

   1. Papel, tea ou outro material enrolado formando un cilindro.

   2. Cilindro arredor do que se enrola algo.

      Sinónimos: rodela.

   3. rolete.

2. s m [PALEOG]

   1. Forma que tomaban os libros antigos en que o texto era escrito sobre tiras de papiro ou pergamiño que se enrolaba e desenrolaba por un ou os dous lados arredor dun ou dous cilindros de madeira ou de óso (chamados umbilicus). O texto, escrito só nunha cara, escribíase transversalmente ou ben en columnas estreitas seguindo o sentido da lonxitude.

   2. Forma que presentan certos documentos medievais e outros escritos análogos ao antigo rolo. Destacan os pascuais (ss X-XVI), con numerosas miniaturas dispostas en sentido inverso, de tal xeito que o diácono puidese ler a pregaria e os fieis puidesen ver as figuras.

3. s m

   Xiro ou volta sobre si mesmo.

Frases feitas

• A rolos loc adv Dando voltas sobre si mesmo.