rodela

Anaco de trapo ou herba de forma arredondada que se pon na cabeza ou no lombo para levar unha carga sen que moleste.

Trapo que se emprega para limpar.

Utensilio para mazar o leite.

Insignia vermella ou amarela de forma circular, que tiñan que levar os xudeus como signo distintivo sobre os seus vestidos na Idade Media. A súa obriga estableceuna Benedito XIII (1415) nunha bula que ordenaba tamén a separación de xudeus e cristiáns en barrios independentes. Desapareceu no s XVIII. O réxime hitleriano recuperou o seu uso baixo a forma dunha estrela de David de cor amarela.

Escudo circular.