Salamanca

Provincia da Comunidade Autónoma de Castela e León, formada por 106 municipios (12.336 km2; 345.609 h [2001]). A súa capital é Salamanca. O hábitat é disperso, predomina o poboamento en pequenas aldeas, e ademais da capital destacan os núcleos de Béjar (15.123 h [2001]), Ciudad Rodrigo (13.991 h [2001]) e Santa Marta de Tormes (12.090 h [2001]). As maiores densidades de poboación localízanse no contorno da capital e do núcleo de Béjar. A base da súa economía é a agricultura, onde destacan os cultivos de trigo, legumes, hortalizas, froiteiras e oliveiras, a gandaría porcina, vacúa e de la, e a industria ligada á produción agropecuaria, á fabricación de panos e á produción de enerxía eléctrica.