secuencia

Sucesión ordenada.

Sucesión de planos e escenas dunha película nos que se desenvolve unha acción concreta dentro dun mesmo marco espazo-temporal.

Orde primaria de execución dun conxunto de instrucións ou sentenzas dun programa.

Reprodución dun motivo melódico ou rítmico en distintos graos da escala.

Texto litúrxico que se recita na misa despois do gradual.

Orde sintáctica das palabras na frase. Denomínase secuencia progresiva a orde lóxica dos elementos da frase: suxeito + verbo + complementos (directo + indirecto + circunstancial); e secuencia regresiva, a orde alterada dos elementos da frase, relativamente á súa orde lóxica, por anticipación dalgúns deles respecto a outro.

sucesión.

Teoría económica dinámica desenvolvida por Lundberg, para analizar o desenvolvemento total dunha economía pechada. A análise de secuencia mostra como a evolución presente é determinada pola evolución pasada e as perspectivas para o futuro. Partindo dos resultados dos períodos anteriores, o individuo fai as previsións para o futuro e decide a actividade do período inmediato.

Procedemento introducido por R. S. Cahn (1899 - 1981), C. K. Ingold (1893 - 1970) e V. Prelog, no ano 1966, para establecer a configuración dos centros quirais. Esencialmente, e aplicado ao átomo de carbono asimétrico, consiste en asignar aos átomos directamente enlazados ao centro quiral unha prioridade directamente relacionada co seu número atómico e observar o centro de tal maneira que o átomo con menos prioridade queda o máis lonxe posible do observador e ver se os tres grupos restantes son correlacionables por orde de prioridade descendente segundo un xiro no sentido das agullas do reloxo (configuración R) ou no sentido contrario (configuración S).

Orde en que os aminoácidos dunha proteína ou dun péptido están unidos entre eles. OBS: Tamén se denomina secuencia de aminoácidos.

Conxunto de estratos relacionados xeneticamente e dispostos máis ou menos concordantemente, que está limitado no teito e na base por discordancias ou por superficies correlativas a estas discordancias. Cada secuencia deposicional asóciase a un cambio relativo do nivel do mar. As secuencias deposicionais constitúen a unidade básica na estratigrafía sísmica e teñen valor cronostratigráfico cando reflicten ciclos globais.

Conxunto significativo de sons cronoloxicamente contiguos e limitados por dúas pausas. En moitas linguas hai fenómenos e trazos fonolóxicos que só funcionan distintivamente a nivel de secuencia fónica.

Franxa estreita, lixeiramente curva, que vai desde o extremo superior esquerdo do diagrama de Hertzsprung-Russel ata o seu extremo inferior dereito. O número de estrelas que pertencen á secuencia principal é máis grande ca o das estrelas que pertencen a calquera das outras rexións do diagrama mencionado.