¹ ser

1. v i

   Existir ou ter realidade.

   Ex: Era unha vez un home...

2. v i

   Ter lugar ou acontecer algo.

   Ex: O accidente foi no tren.

   Sinónimos: acontecer, ocorrer.
3. v i

   Serve de cópula entre o suxeito e o atributo, facendo recaer no primeiro a calidade ou circunstancia que indica o segundo.

   Ex: A casa é grande. Iso é un roubo.

4. v i

   Indica a hora e a data.

   Ex: Son as seis.

5. v i

   Pertencer ou formar parte de algo. OBS: Utilízase seguido da preposición de.

   Ex: É da empresa.

6. v i

   Estar feito de ou con aquilo que se manifesta.OBS: Utilízase seguido da preposición de.

   Ex: A gaita é de madeira de buxo.

7. v i

   Formar parte dun grupo, en particular dunha familia. OBS: Utilízase seguido da preposición de.

   Ex: Son dos do Ferreiro.

8. v i

   Indica o parentesco que ten unha persoa con outra.

   Ex: Que es ti de Ana?

9. v i

   Proceder ou ter orixe.

   Ex: Son de Chantada. Son galega.

10. v i

    Indica, nas construcións adverbiais, sobre todo tempo ou lugar.

    Ex: É moi cedo para saír.

11. v i

    Ter un determinado fin.

    Ex: Os cartos son para gastar. O regalo é para a avoa.

12. v i

    Ter algo un prezo.

    Ex: Son vinte euros.

13. v i

    Indica a solución dunha operación matemática.

    Ex: Dous máis dous son catro.

Frases feitas

• A non ser que. Expresa exclusión.

• A non ser que/se. Introduce unha condición para que algo se cumpra.

• A non ser. Exclúe a participación na acción expresada polo verbo do termo seguinte.

• Como sexa. Indica que algo debe facerse sen que nada nin ninguén o impida.

• É máis. Engade unha razón que reforza o dito con anterioridade.

• Non sendo. A non ser.

• Non vaia ser. Polo que poida pasar ou por se acaso.

• O que sexa. Conformarse con calquera cousa.

• Ser + a + infinitivo. Perífrase verbal que se utiliza para expresar que a acción do infinitivo se realiza con moita frecuencia ou insistencia.

• Ser a ruína de Palmira. Indica que algo custa moito ou que se fai un investimento moi grande.

• Ser todos uns. Non existir diferenza entre as persoas de quen se trata.

• Ser un botaporela. Aladear de algo.

• Ser un Xan. Ser un miñaxoia.

• Como debe ser. Tal e como está establecido.

• É dicir/Isto é. Introduce unha explicación do que se dixo con anterioridade.

• Non ser para menos. Enfatiza o que se dixo con anterioridade.

• Ou sexa. Expresión aclaratoria que rectifica ou ratifica o que se dixo con anterioridade.

• Ser + participio. Perífrase verbal pasiva en que o participio é atributo e o suxeito paciente.

• Ser todos a. Indica, seguido dun infinitivo, que a acción se realiza con insistencia.