sinóptico -ca

Relativo ou pertencente á sinopse.

Que está exposto ou presentado con forma ou características de sinopse.

Cuestión presentada pola moderna crítica histórica (G. E. Lessing presentou por primeira vez en 1778 a hipótese dun Evanxeo primitivo) para dar unha explicación ás coincidencias e diverxencias entre os Sinópticos. Recibiu respostas diversas, ben procurando o primeiro Evanxeo nunha forma arcaica de Mateo (posiblemente en arameo), facendo de Marcos a fonte principal de Mateo e Lucas, ou ben buscando os contactos literarios destes tres Evanxeos nas mesmas fontes ou nos documentos que precederon a súa redacción final.