úlcera

Lesión superficial nun tecido orgánico con perda de substancia debida a un proceso necrótico, de escasa ou nula tendencia á cicatrización.

Úlcera xeralmente indolente, de aspecto caloso, sen tecido de granulación do fondo.

Úlcera gastro-duodenal secundaria en queimaduras extensas da pel.

Úlcera cuberta cun exsudado pseudo-membranoso ou membrana diftérica.

Úlcera péptica localizada na mucosa gástrica, provocada pola acción da pepsina do zume gástrico.

Perda de substancia penetrante, de curso crónico e de evolución por brotes, das zonas do tubo dixestivo bañadas polo zume gástrico (estómago e bulbo duodenal). Na etioloxía desta enfermidade interveñen factores locais (como a isquemia) e constitucionais predispostos. Clinicamente maniféstase por epigastralxia, que se calma coa inxestión alimentaria e de álcalis. As principais complicacións da úlcera péptica, que pode ser gástrica ou duodenal, son a hemorraxia, a perforación e a estenose pilórica (na úlcera pilórica ou duodenal).

Úlcera crónica das pernas que aparece como complicación das varices.