chaga

1. s f [PAT]

   Lesión superficial con perda de substancia debida a un proceso necrótico, de escasa ou nula tendencia á cicatrización. Na tradición oral recóllense os seguintes ditos: “A chaga doe máis refregada. A mala chaga sana, a mala fada mata. As chagas doen menos ben untadas. Cando Dios dá a chaga dá o remedio pra sanala. Millor sanan as chagas que as feridas das malas palabras”.

   Ex: De tanto camiñar saíronlle chagas nos pés.

2. s f

   Estado de ánimo caracterizado por unha gran mágoa.

   Ex: A morte do fillo é unha chaga que non a deixa vivir.

Refráns

• A chaga doe máis, refregada.
• Deus que dá a chaga, dá a menciña para curala.
• Mala é a chaga que con viño non sana.