vestal

Relativo ou pertencente a Vesta.

Cada unha das sacerdotisas virxes, na relixión romana antiga, que eran consagradas a Vesta e que coidaban do lume sagrado. Formaron un colexio, estreitamente vinculado co pontifex maximus. En número de seis (ou sete, despois do s IV d C), posuían o cargo sacerdotal mentres vivían. Se perdían a virxindade eran sepultadas vivas. En 114 tivo lugar en Roma un proceso contra a súa institución.

Muller moi casta.