FEVE

Empresa pública xestora dos ferrocarrís de largo métrico. Creouse en 1965 a partir do Organismo tutelar de los ferrocarriles de vía estrecha, entidade dependente do Ministerio de Obras Públicas, que xestionaba dende 1950 os ferrocarrís deste largo de vía procedentes de compañías que quebraran. A partir de 1978, como consecuencia da nova organización territorial autonómica do Estado, transferiu unha serie de liñas (as que cubrían traxectos exclusivamente dentro do territorio da propia comunidade) ás comunidades autónomas de Catalunya (1978), Comunitat Valenciana (1986), Euskadi (1979) e Illes Balears (1994). En Galicia, FEVE xestiona a liña Ferrol-Gijón, que conecta o litoral cantábrico.