flavona

Substancia incolora que se illa de diversas plantas da familia das primuláceas. Da flavona, igual que da isoflavona (3-fenil-4H-1-benzopiran-4-ona), derivan toda unha serie de pigmentos amarelos moi difundidos entre as plantas, como a quercetina. Algúns pigmentos desta clase empréganse para tinguir e estampar, e algúns derivados das flavonas teñen efecto sobre a permeabilidade das paredes capilares.